A Escola de Música BellónMaceiras ten aberta a matrícula para o próximo curso 2018 / 2019.
Por outra banda, este venres 22 de xuño celébrase o fin de curso cun concerto no que participarán os alumnos xunto cos profesores. Será no CMIU de Fene ás 19:00h con entrada libre para todo o mundo.

Novo vídeo da Escola de Música BellónMaceiras desde dentro. Nesta ocasión presentan as clases de acordeón que imparte Diego Maceiras.
Ver vídeo

A fin de semana do 26 e 27 de maio na Escola de Música BellónMaceiras vaise ofrecer un curso de mecánica e mantemento do acordeón con José María López de Irún. O sábado estará dirixido ós alumnos da escola e o domingo a todos aqueles de fóra que estean interesados. As prazas son limitadas. Máis información nos contactos da Escola.

Esta semana o grupo BellónMaceiras ofrecerá dous concertos didácticos en Fene e Betanzos.
 

Estes concertos están pensados para que as novas xeracións se acheguen á música tradicional e coñezan máis sobre a cultura musical galega.

 

En Fene estarán o mércores 9 de maio ás 18:00h na Casa da Cultura e en Betanzos o venres 11 de maio ás 19:30h na Aula de Cultura do Liceo.

 

Para estes concertos, Daniel e Diego contarán coa colaboración doutros profesores da súa Escola de Música; o guitarrista Juan Cabe (compoñente tamén de BellónMaceiras Trío e Quinteto) e o percusionista Ramón Dopico.

 

Neste enlace pódese ver unha mostra do que ofrecerán.

O venres 27 de abril alumnos da Escola de Música BellónMaceiras visitaron o Obradoiro de Gaitas Seivane no que, a través das distintas instalacións, coñeceron os diferentes procesos de construcción dunha gaita.