O próximo domingo día 26 de decembro BM2 actuará brevemente nun festival de panxoliñas na Igrexa de Laíño en Dodro. O día 29 en Vilagarcía de Arosa xunto con Juan Carlos Cambas outro minicorcerto de presentación da Viaxe ao Festival de Cosquín.
O día 1 de Xaneiro BM2 sae con destino Moscú para tocar na Catedral Católica o día 3 xunto no concerto internacional de nadal. Nesta ocasión será un concerto completo no que contarán coa colaboración de artistas rusos da talla da organista María Moiseeva. Ao día seguinte terán a oportunidade de escoita-la música de BM2 no centro cultural Pokrovka tamén en Moscú.
http://www.artbene.ru/main
A fináis de mes desprázanse a Arxentina para participar no Festival de Cosquín xunto con Juan Carlos Cambas presentando "El Viaje".

Esta mesma noite no primeiro concerto de BM5 en Fene comezará a primeira sesión de rodaxe para o Alalá BellónMaceiras. Estamos encantados de por fin poder anunciar esta nova tan desexada. En breve vos anunciaremos novas moi emocionantes da nova xira 2011 BellónMaceiras.

Este venres 17 de decembro, BellónMaceiras Quinteto presenta o seu disco Folkfusión na vila de Fene.
O concerto está programado para as 21h, na Praza do Concello.
Non o perdades! BellónMaceiras Quinteto, por primeira vez en Fene! Garantizamos emocións fortes durante 1h30!

Preto de 1.400 alumn@s de Educación Primaria de dez centros de ensino público de Ferrol participan nos concertos didácticos que Bellón Maceiras Dúo ofrece hoxe e mañán, luns 29 e martes 30 de novembro e o 13 de decembro no Teatro Jofre. Ao longo destas sesións os rapaces e rapazas achegaranse á música popular galega, aos instrumentos e aos ritmos galegos, entre outros aspectos.
Sociedade.A resposta dos centros educativos da cidade a esta iniciativa didáctica foi excelente. A agrupación Bellón Maceiras Dúo, integrada por Daniel Bellón e Diego Maceiras, leva xa moitos anos traballando xuntos na procura de dignificar os seus instrumentos -a gaita e o acordeón-, así como toda a música galega. Unha música que a través destes concertos tratarán de achegar aos alumn@s cos que interactuarán.

Dende o 15 de setembro rexentan a nova escola de Musica ubicada na rua Antonia Montero de Perlío- Fene, onde se ensinan estre outros instrumentos, a gaita, o acordeón, a guitarra e percusión. Clases moi prácticas para todolos niveis de apredizaxe.

BellónMaceiras Quinteto levará a Porriño este venres 19 de novembro o seu último traballo "Folk Fusión". A cita terá lugar ás 23:30 e será no bar Liceum.

Ó día seguinte os poderedes escoitar na FNAC da Coruña, presentando tamén o último disco dos dous que teñen alí expostos á venda. Será a partir das 19:30 no que se presenta como unha boa oportunidade para velos nun concerto en acústico.

Convidados estades a asistir ós dous concertos. O que todavía non teña algún dos discos, animámoslle a que o compre, será un regalo diferente e orixinal para o nadal que se aproxima.

Unha aperta a tod@s!