O grupo BellónMaceiras, xunto a Juan Cabe, participou na gravación do programa Ribeiras de Salitre que emitirá a TVG.
O trío desprazouse ata a ribeira de Barallobre para tocar dous temas do seu último disco "TEN", álbum que podedes adquirir fisicamente na Escola de Música, a través desta Web no apartado de Tenda ou nas plataformas dixitais como Spotify ou iTunes, entre outras.

Daniel Bellón e Diego Maceiras elixen como compañeiro de viaxe a Juan “Cabe” (guitarrista en BellónMaceiras Quinteto) neste concerto que servirá de presentación do seu terceiro disco TEN e no que sorprenderán con novas pezas. O lugar escollido é o teatro Jofre de Ferrol ás 21:00. As entradas poden mercarse na web:

Mercar entradas

 

Xa tedes dispoñible TEN, o noso último disco, en Spotify e plataformas dixitais similares. Se o queredes ter en formato físico podedes conseguilo na tenda da nosa web. Agardamos os vosos comentarios e desexamos que o disfrutedes.

O próximo 3 de xullo BellónMaceiras Trío participa na XXXIII edición do Festival Folk Segovia, coñecido festival da escena folk que este ano homenaxea a Ismael Pena nos seus 80 aniversario. O dúo BellónMaceiras compartirá cartel con artistas como Germán Díaz, acompañado pola trompeta e a tuba de David Herrington; As asturianas Muyeres; Os manchegos Cuéllar e Tejada e as murcianas Mulleres con Raíz. O venres 1 de xullo Las Migas mostrarán a súa paixón polo flamenco, mentres o sábado 2  Martina Quiere Bailar presentará o seu novo espectáculo. Segue-me à capela, un colectivo de sete mulleres que traballa a música popular portuguesa é o grupo elixido para o concerto xunto a Daniel Bellón, Diego Maceiras e Juan Cabe no Teatro Juan Bravo de Segovia.

Este mércores 22 de xuño ás 19:00 h no CCRD de Perlío faremos o VI Festival de fin de curso d@s alumn@s da Escola de Música BellónMaceiras. Estades tod@s convidad@s ata completar aforo.